uno mapo dei lingos de Franço segoun l'Uropo

Lou mot fourro-bourro "langue d'oc" mèsclo de situacious desparièros : lou lengodoucian es mort coumo l'ouvirnhat del 63.
Lou nalt ouvirnhat se porto prou plô à respet dis àutri.

Quand lis abitants de Plèus èrou riches gràcio à la Coumpanhio de Chinchon

Fin la Revouluciou franceso existè uno "Coumpanhio de Chinchon" creado e animado per d'Auvirnhats d'à Plèu deïn lou Cantau.

Chinchon es pròchi Aranjuez en Castilho. Acò's alai que la coumpanhio avio si depaus. Fouguet tont richo que  prestet mantùni cops d'argent i rèis d'Esponho, am' un crane proufièit de sigur.L'interés d'aquelo soucietat es qu'èro uno soucietat per accious, "per parts" coumo diziou. 

Acò fazio bèl briéu, dempuèi lou nalt Atge-Mejan que de coulpourtaire auvirnhats anavou en Navarro coumo d'àutri anavou en Bas-Lengadò.


Mas ti-avet qu'al sègle Sege de gents d'à Plèu aguèrou l'idèio de s'assoucia per faire uno soucietat mai bèlo amm' una preséncio permanento alai puèi que quond lis uns èrou en Nalto-Auvernho, lis àutri teniou l'entrepreso d'à Chinchon.

L'argent, d'ùnsi lou despensou ou quitomen lou degalhou, d'àutri lou gardou, e d'àutri l'investissou. D'ùnsi se croumpèrou de parts de mai en mai grossos e faguèrou fourtuno sèns trop trabalha al cap de quaucos generaciou puèi que i avio lis emplegats.Un jouve d'à Plèu, un caddet que sabio qu'eretario pas la terro, poudio se faire engaja per trabalha en Esponho. I recebio un crane salàri per l'epoco, la loujeto e la mangisclo.

Coumo avio la loujeto e la mangisclo gratuito, lou jouve poudio se croumpa uno pichouno part de la soucietat, e dounc recèbre cado annado sa partido de benefìcis.




    

                                                   Chinchon d'uèi

La Revouluciou franceso ammé si guerros coupet lei relacious coumercialos e la soucietat de Chinchon dispareguet.




Saban qu'al sègle Dez-o-nau la familho de Vermenouzo tenio un coumèrci en Esponho, mas pas mai à Chinchon, e nouste grond pouèto passè soun adoulescéncio deïn lou nord de l'Esponho.


La familho Vermenouzo fouguet pas la soulo puèi que i o uno "assouciaciou dis espanhòus del Cantau" que faun cado cinq ons uno visito al païs de lours aujòus.


Dién lou pichou bàrri istourique de Madrid i o uno Calle Malasaña en l'ounour d'uno "patrioto" espanholo que resistè à las troupos napouleounianos. Aquelo fenno se sounavo dounc Malo-sanho en Oc e Malassagne en francés, cò'i dire "la mauvaise terre marécageuse".



*Boutan "patrioto" entre verguetos puèi que lou rèi Jousep, l'einat de l'Imperadour Napouleoun, fouguè un bou rèi que beilet de drèits de cioutadan, l'egalitat juridico... toutos lei reformos que faguèrou que la mitat dis alemonds de l'epoco devenguèrou pro-francés. Mas en Esponho la Glèisio Catoulico tenio lis amos, e sa proupagando bufet l'azir e lou fanatisme.


I aguet siguromen també de lions deïn la noublesso puèi que li Linherac, que demouravou al chastèl d'à Sant-Chamant, fouguèrou duques de Caylus (82), gronds bailes d'Auvernho e gronds d'Esponho.

Poudån perdouna lei jalinos

Lou rinalh es utile en generau e cò'i bë cruzèl d'ana l'ataca dien soun quite jasse ammé de côs.

Mas aqui, lei jalino au agut razou.


https://www.ladepeche.fr/2019/03/12/un-renard-tue-a-coups-de-becs-par-des-poules-en-bretagne,8063089.php?mediego_euid=480074#xtor=EPR-7-[newsletter-soir]-20190312-[classique] 

So que sån... e ço que sån pas

De tros d'Istòri dóu pont d'Avignoun

En 1345, en Avignoun, sus lou pont Sant-Benezet, davans la capello, pendoulèron un miserable qu'avié tua paire e maire. Rèn de plus juste. 

Mai, anè pas se capita que la cordo petè ! Lou gusas toumbè dins lou Rose, nadè, e se sauvè dins lou bouscas qu'oumbrejavo alor la Bartalasso. 

Empachè pas que, l’an d'après, ié pendoulèsson mai un grand capoun qu'avié esventra sa femo e si tres enfant. 

Avans que lou bourrèu faguèsse soun obro : 

— Au-mens, avisas-vous ! — ié diguè l'assassin, que la cordo fugue soulido ! que se petavo, coume l'an passa, e me garcèsse au Rose, me negariéu : sabe pas nada.

Hedd Wyn

Avån ja parla de pouètos de la guerro de 14, nouste Velaienc  Albert Boudon - Lashermes, nouste Prouvençau Francés Pouzol qu'i fouguet tuat. Lou Bretou Yann-Pier Calloc'h qu'i fouguet també.

Auèi vous parlån d'un Cambrïan de la Cambrìo le Pays de Galles en francés, que fouguet tuat en 1917 en Belgico per apara nouste païs.

Hedd Wyn vòu dire Patz blancho en cambrïan e cò se prounoùncio [hèδ wœn]

Acò èro soun noum de pouèto. Per l'administraciou britanico se sounabo Ellis Evans.

Ganhet lou primier councours annadier de pouesìo cambrïano, mas hou saguet pas. Avio mandat soun pouèmo à la jurado e quand li respoundèrou qu'èro lou primier èro mort en Flandro Ouccidentalo.

Avio escrit :


A gwaedd y bechgyn lond y gwynt
Au'u gwaed yn gymysg efo'r glaw."

e

Dim ond llewad borfor

Ar fin y mynydd llum


Lou crit dis ome emplino l'auro

E lour sang se buèiro à la plœjo

I o sounque la yuno pourpro
Soubre la cresto de la mountonho pauro

Lou paparoùji

Lou mot vë d'un anciô papach roùji

Lou papach es lou pitre dis óuvèls

Dien lou païs de Salèr se dïs lis óuvèls

Dien lou païs d'Ourlhat se dïs lis óuzèls

Dien lou païs de Sant-Flour dizou lis oucè(hrs)