https://encicloupedioauvernhato.wordpress.com/2016/10/31/dollar-doular/
Prendan d'aquilo encicloupèdio quauques articles. Parlou pas toujour de l'Auvernho e de la Prouvenso, mas sou en auvirnhat.
Se tracho pas de l’Istòrio de la mounedo americano mas del mot.
Al sègle tienge apareguè dién l’Impèri di Habsbourg una mounedo que sounavou lou Thaler e que diurè fin lou sègle Dez-o-nau.
Lou mot voulio dïre « de la valado » en alimond.
Fetivomen l’oubradour de mounedo se troubavo à Joachimsthal = la valado de Jouaquim.
En alimond dialectau d’Alsaço, de Souïsso e d’uno partïdo de l’Austrìo dizou « Toler » amm’ un T entremié T e D.
En anglés acò devenguè dollar. En esclouvene gardèrou Tolar per la mounedo naciounalo esclouveno abons l’Eurò.
Tolarjev /tolaryev/ -jev es la terminasou del genitiéu que se bouto après li noumbre en esclouvene.
Lou simbòu del doular, lou S ammé duoi barros pot espanta puèi qu’acò’s un S e pas un D. En fait lis Americôs aun représ lou simbòu del sestèrce roumô.
