Istòrio del blasou ou del drapèl d'Auvernho

                            Istòrio del blasou d’Auvernho.

Lou 27 de nouvembre 1095, al dezieme jour del Councìli de Cliarmount, durant uno prezicado publico soubre uno plaço qu’es bessai l’actualo place Delille, lou papo Urbô II^nd sounè is armos touto la Cristianitat per reprendre Jerusalèm i Turcs Seldjoukidos e delibra lou toumbèl del Criste. Acò’i la Primièro Crouzado. 

A la crido del Papo, Estàqui III, coumte de Boulounho (de 1088 à 1125) e fraire de Gaudefré de Bouioun, se crouzè en 1096. 

En aquelo epoco lou Coumte d’Auvernho es Roubèrt Segound, nascut vers 1025 e que renho de 1064 à 1096.

Puèi soun filh Guilhem VI li succèdo la mèmo annado  e participo à la Primièro Crouzado.

En l'ounour del Councìli de Cliarmount guil fouguè Gounfarounier de l’Armado Christiono.

Mas lou gounfanou es lou de l'abàdio d'Ourlhat e i o pas inquèro de vertadièro bandièro coumtalo.

(Lou mot gounfanou ve del francique Gund e Fano que volou dire « batalho » e « pèço de drap ».

Se retrobo la razigo Fano dien l’alemond die Fahne (lou drapèl) e dien lou  francés  le fanion.)

                                             

                           

                                   

                      Gounfanou de l’abàdio d’Ourlhat

Saben que Gui Segound, al sègle Treje, o lis armos de d'uèi mas sèns lei boulos. Lis armos de l’Auvernho sou : “d’or al gounfanou de goulos, ourlat de sinoplo.” 

Despuèi quouro exactomen ? Saben pas.


                      

A mô drèito uno pèço frapado per lou coumte Roubèrt IV, paire de Gui lou Segound

Gui IInd d'Auvernho coumbatent lou rèi de Franço Felipe - Aguste. 

( Èro fizèl à Alienor d'Aquitànio mas Juon sèns terro se chautè pas de li faire proudiéu )

Vezan que l'escut dis auvirnhats es inquèro lou vièlh

En 1225, Guilhem X espouso Adelaïdo de Brabant (1190 – 1265), eritièro del coumtat de Boulounho en Franço.

 
(Guilhem X fouguè pas jamai coumte de Boulounho puèi qu’Adelaïdo de Brabant devenguè pas coumtesso de Boulounho qu’en 1262, dounc tiénge ons après la mort de soun marit.)

 

En 1265, à la mort d’aquelo d’aqui, Roubèrt V (1265 – 1277),  coumte d’Auvernho despuèi 1247, devé també coumte de Boulounho (1265 – 1277).  N’en parlarion pas s’avio pas agut l’idèio d’assoucia lis armos de Boulounho is armos d’Auvernho:

                            

                                          

Acò’i bessai d’aqui que venou lei boulos del blasou d’Auvernho que represintou dounc Boulogne.

Soun filh, Guilhem XI d’Auvernho, li succedè de 1277 à 1280. 

                           

                               d’Auvernho, de d'uèi

 I o una divergéncio soubre quau fouguè gounfarounier de la Primièro Crouzado.

Mas acò'i sigur que lou Gounfanou d’Auvernho se restaco directomen al councìli de Cliarmount e à l’abàdio d’Ourlhat. 

                                             Ж