ES PAS IÉU, ES PAS IÉU !!
I’a d’acò uno semano, quand boufavo aquéu gros mistralas, bèn quàuqui fes, dóu tèms que soupavian amé ma femo, la campaneto de l’oustau dindavo. Anavian durbi : quau i’avié’qui ? pas res.
Uno vesprado, tenguère d’à ment, escoundu darrié l’óume que visajo l’oustau, e veguère s’avança dous drouloun. L’un faguè courbo-seto à l’autre, que, s’aubourant, agantè la maneto de l’esquerlo…E vague de branda e de souneja ! Derin-din-din ! Derin-din-din !
Tout d’un-tèms, soutiguère de moun agachoun. Entre m’ausi, lou qu’èro dessouto s’esbignè coume un lamp ; l’autre, pecaire ! restè pendoula, la man entrepachado dins la ganso de la maneto. Enterin que lou despendoulave, cridavo :- Es pas iéu ! es pas iéu !
En ouvirnhat dizan l'esquillo ammé dous L que s'óugissou.
Lou prouvençau dis l'esquerlo coumo dien lou tèste e l'esquilo am' uno L simplo
En ouvirnhat dizan l'esquillo ammé dous L que s'óugissou.
Lou prouvençau dis l'esquerlo coumo dien lou tèste e l'esquilo am' uno L simplo
Aucun commentaire:
Enregistrer un commentaire