Coume vous l’ai déjà di, quand ere pichot, souvènti-fes ma grand me chaurihavo interin que mi gènt acampavon li faiòu blanc o li merinjano.
E aqui, de longo me repepiavo un mouloun de recoumandacioun que sabié de si grand. Quand ère pas trop óubeïssènt (Coume de bèlli fes) , me souvène que, pèr me faire teni tanquille me disié : « Garo la bóumiano ! Vaqui la bóumiano que vai veni ! Ai ! Ai ! Ai ! » e tout en fasènt un grand brut de petarado souto la taulo disié « entende-la rintra…ai ! ».
E vaqui qu’un jour, que larguère un pet un pau ferme, ma Grand m’avié di :- E qu’as fa, pichot porc, es pas pouli acò !
-« Es la bóumiano que sort ! », i’avièu replica.
Vese encaro ma Grand, esclatanto dóu rire en se tenènt li costo.
Aucun commentaire:
Enregistrer un commentaire