Dinc un discours en vèrs, parlent als cabretaires,
Lour dizio: Cau garda la cabreto toujour
E n’aceptassiat pas de musico estrangièro
Car la cabreto sap d’uno crano manièro
Esprima lou plazé, lou pessoment, l’amour.
Per parla d’aquel biais guel soul poudio zo faire
Dels omes d’aquel pièu eici s’en trobo gaire.
Çaquelai ieu tabé vourio plô vous prega
D’ifla l’oeire toujour è de lou counserva;
Pertau que zo sabet, de nosto Auvernho l’amo
Rajo del garganèl, quand devóuzet la gamo.
Belèu que coumvé pas als abaiants foutraus;
Mès las aurilhos n’aun qu’à se barra les traucs!
Abans de vous quita recebet, o mes fraires
Lou salut amistous d’un pitiou musicaire.
Vermenouzo countent, nous agacho, se rei.
Ougisset-lou parla din l’amistous lengatge,
Nous traire d’amount-naut coumo un divin messatge,
Satisfat del boun grô qu’o saugut semena:
Escoutat un bouci dabans vous en ana.
Grand-mercés, francs amics que din nostos muralhos
De l’ouire naciounal venet ifla la pèl.
Toutes les Auvernhats vous quitou lou capèl
E vous cridou: Bounjour! D’à Mau jusqu’à Mandalho!
https://www.youtube.com/watch?v=EOz5RS6vDJM
Aucun commentaire:
Enregistrer un commentaire