Biron "Quand ère pastre"

Quand èro pastre vers Ussèl ounde lis agricultours sou Lemouzis e li elevaires sou d'Auvirnhats

   QUAND ERE PASTRE

 Amount, dien la Planiso

Quand boufabo la biso

Gardabe moun troupèl

Dien las plonos d’Ussèl

L’auro folo empourtabo

L’oucelou que pieulabo

Per manja n’avio ris

Dien aquéssi champs gris

 Coumo guil tremoulabe

E quand espartinabe

Me boutabe à l’abri

Al pé d’una parit

Pels traucs la biso entrabo

Plourabo, roundinabo

Gemissio coumo ieu

Qu’esperabe l’estieu

 Prendio darrié mei fidos  (fedos)

Quatre ou cinq trufos fridos  (freidos)

De froumaje e de lait

De pô e... gaire mai

 Moun mèstre, un miserable,

Uèit gros biòus à l’estable,

N’avio pas de viandou

Per soun petiot pastrou

Li mèstres n’en faun vire

Sèns crento, hou pode dire,

Nous trazou ’n pauc de pô

Coumo un osse à-n-un chô.

O! lou paure messatge,

Es escrasat d’oubratge;

De penos o soun fais

Anueit mai que jamai

 Per aquil que n’o gaire

Enliò fai pas bou faire

Cau que trabalhe bi

Per ganha quàsi ris

O! coumo cau que rôme

L’efantou del paure ome

Per mouri pas de fom

Quand ourò lou piau blonc

Se louja cò’i penible...                

Mon Dieu ! S’acò’i poussible

Que l’on manque de pô

L’estieu, l’ivèr de fiò ?

Quand li riches s’amùsou,

Li trabalhadours sùzou...

Que n’o pas per manja

Penso pa’ s’amusa !

Mèstres, sèt gaire eimables

Per nautres miserables,

Lou pô que nous dounat

Souvent lou ragretat;

Li plouran sus, e vàutri

Que vous trufat de nàutri

Un jour pel grond boun Dièu

Sarés chassats del cèu

            Pèire BIRON (1897)

Noutession dinc uno charrado que Biron nasquè à Paris ounde si parents emigrèrou, puèi tournèrou.

Tout lou mounde troubabo pas sa plaço de delai.