Acò'i l’istòrio d’un capelô, un prèstre jouve, qu’arribago pas jamai à faire soun sermoun tant avio la ganso quand devio mounta en cadièro. Li aviou bién ensenhat, al seminàri, d'escrìoure de poulits sermouns, ples de bèlos pensados cristionos.
Mas acò èro mai fort que guil, cado cop que devio prendre la paraulo davant si parrouquians, patissio lou martìri: se fazio blau, roùji, vird, passago per toutos lei coulours de l’arcono, la ganso l’agantavo e pouio pas ris dïre.
Acò pot pas dura, per ma fiato ! se-diguè nouste capelanet e s’en anè trouba Mounsenhour l’Avesque per li damanda counsèlh.
- Chau pas n'in faire una mountonho, moun filh ! ço- venguè l’avèsque : avan toùtis agut aquessos empèito en coumençant nouste ministèri.
Vaqui lou remèdi que vous recoumandi :
Dimmèrgue que vé, vous sufirò de vouja quaucos goutos de vodka dinc un grand vèire d’aio frescho e veirés qu’après n’avèdre biougut duos o tris goulado acò anarò soulet.
Acò marcho, me poudet crèire, n'in faguèri l’esperiéncio iéu-mème quand èri jouve."
E fetivomen, lou dimmèrgue de daprès, nouste capelô te faguè un sermoun del tounèdre. Ourio pougut parla d’ouro e d’ouros talomen lou remèdi de l’avèsque èro estat agissent.
Sounco que, quand tournè à la sagrestio, troubè clavela soubre la porto de l’armàri de si fardos liturgicos, un pichou bilhet que dizio.
- Moun filh, lou cop que vé, boutat quaucos gouto de vodka dién un grand vèire d’aio, e noun pas quaucos goutos d’aio diénc un grand vèire de vodka….en deforo d’acò, vaqui quaucos oubservacious qu’èi faitos, e que vous damondi desenant de plô voulér respeta :
1 I o pas besou de metre uno roundèlo de citroun soubre l’orle del calìci !
2 A coustat de l’autar, i’o pas de cagadour, acò'i lou counfessiounau!
3 Assajat de pas vous apuia countro l’estatuio de la Vierge e de pas la prendre à brassado, inquèro min de la poutouneja !
4 De coumandoments, n’i o detz e pas douje !
5 D’apoustòlis, n’i o douje d'aquel cop, e noun pas sèt …amai èrou pas de nanets !
6 Chau pas parla de Nouste senuour Jèsu Criste e de sis apoustòli coumo de JC and Co !
7 Quand parlat de Judas se diguessiat pas « Aquel filh de puto » !
8 Lou Papo es lou Sant-Paire, pas « Lou Pairi » !
9 Ben Laden es inoucent de la mort de Jèsu !
10 L’aio sinhado es faito per benezi li fizèl, pas per se refresca lou coupet !
11 Se celèbro la santo messo asseta soubre l'escalo de l’autar e min inquèro lou pé pausat soubre la Santo Biblo!
12 Lis òstios sou per coumunia; li chau pas minja coumo de bescuèits d’aperitiéu en bevent lou vï de messo !
13 Li pechadours anaraun en infèr e pas « se faire enc….. » !
14 L’idèio de damanda i fizèls de dansa èro plô bouno, pamen cò èro pas lou moument de faire la chanilho à travers touto la glèisio !
Impourtant :
A Lou « tipe » qu’èro assetat pròchi de l’autar e qu’avet souna lou « pedé » o lou « travelò » amé sa faudo…cò èro iéu vouste avèsque !
B Vole crèire, moun filhs, qu’aquessos pichounos errours saraun evitado dimmèrgue que ve e vous benezissi paternalomen.
Sinhat : vouste avèsque
Post-scritum : Jèsu fouguè pas fusilhat !
Noto :
la ganso = le cordon ; le trac
la ganso = le cordon ; le trac
Aucun commentaire:
Enregistrer un commentaire